San Migeli adio esan dio herriak datorren urtera arte

Maiatza sartzearekin batera, bigarren egunean, hain zuzen ere, San Migel etorri zen Aranora aspaldiko urteetan egin ohi duen bezela. Herriko asko ustekabean harrapatu izango zituen seguraski, normalean baino goiz­xeago etorri bai­tzen oraingoan.
Aranon egun haundia izaten da San Migelen etorrera. Bertakoak izan eta herritik kanpora bizi direnak gustora etortzen dira egun ho­rretan, herria bere tokian dagoen ikusi eta bertakoekin meza entzutera. Jende mordoska bildu zen eguerdiko mezan aurten ere.
San Migeli herriaren sarreran egiten zaio ongi-etorria. Aspaldiko ohitura da eta aspaldikoa da baita Elizako do­rre­ko kanpanei hau­tsak astin­tzea ere. Lan hori izan du aurten ere Antto­nio Exkerrak eta herri guztian entzuten diren kanpanen soinuak San Migel elizako zimiteriora sar­tu arte aixa irauten dute.
Aurten goizean egin zuten apaizek herriko lurren bedeinkazioa. Uzta ona izateko suertea eta eguraldi txarren kontra babesa eskatzeko izaten da bedeinkazioa. Errosarioa erreza­tzea, berriz, arratsalderako utzi zuten eta bertara ere jende kopuru polita joan zen.
San Migel, Goizueta­rako bidea hartu au­rre­tik, datorren urtera arte agurtu zuten ara­noa­rrek. Herriko guru­tzeak eta San Migelek elkar be­sar­katzearekin, irudi ho­rrekin, Aranok eta ara­noa­rrek hurrena berriz etortzen denerako ere ateak eta besoak zabalik izango dituztela adierazi diote bes­te behin ere bisitari estimatuari.