Otsaialaren 18an, arratsaldez, Guardia Zibilak kontrolak jarri zituen herriaren sarreran, eta handik pasatzen ziren guztiak geldiarazi eta kotxeak begiratzen ibili zen.
Herrian ez ezik, mendialdean ere hainbat kotxe zeuden pistetan barna. Beti ere, Espainiako berri agentziaren arabera, bitarte horretan baserri bat miatu zuen, Guardia Zibilak duela gutxi Gironan atxilotu zuen Jon Rosalesen neskalagun ohiaren etxebizitza. Berri agentziek zabaldu zutenez, miaketa 18:00etan hasi zuten eta 21:30ean bukatu.
Bestalde, aldi berean, WiFiren antena seinalerik gabe egon da eta Interneterako sarbiderik gabe egon da herria hiru egunez.