Berria pilota txapelketaren barrenean, norgehiagoka zaila izanen du Leitzak Hernaniren kontra. Hiru partida jokatuko dituzte Hernaniko pilotalekuan otsailaren 19an, ostiral gaueko 21:00etatik aurrera.
Lehenengo partidan, kadete mailan, Hernaniko Urkizu eta Murgiondo, Leitzako Anartz Olano eta Mikel Hernandorenaren kontra ariko dira; jubeniletan, Hernaniko Santxo eta Lizeaga, Leitzako Xabier eta Jon Jaunarena anaien kontra eta nagusietan, Hernaniko Ojuel eta Gorrotxategi, Leitzako Esain eta Mikel Iriarteren kontra.
Euskalerriko liga
Euskalerriko ligaren barrenean, 22 urtez azpiko kategorian, Aurrerako Jon Jaunarena Gaztelekuko ordezkariaren kontra ariko da larunbat goizeko 11:30ean Leitzako Amazabalen eta kadete mailan, Xabier Jaunarena eta Mikel Hernandorena Intxurreko bikotearen kontra ariko dira Alegian igande eguerdian.
Euskalerriko ligako nesken paleta goma txapelketako lehen mailako final laurdenetan, Aurrerako Saioa Aristorena eta Iera Agirre, Contin eta Aristorenaren kontra ariko dira Iruñeko Ezkabarten, larunbat arratsaldeko 16:00etan.
Nafarroako Kirol Jolasak
Nafarroako Kirol Jolasen barrenean, lau partida jokatuko dituzte Leitzan Aurrerako pilotariek, larunbat goizeko 10:00etan hasita. Hirugarren mailako alebinetan, Aurrerako Beñat Billabona eta Josu Sukuntzak Larraungo bikotearen kontra jokatuko dute; lehen mailako alebinetan, Jon Lezea eta Aimar Gil Pilotajauko bikotearen kontra; bigarren mailako infantiletan, Xabier Zubiria eta Ander Eskudero Pilotajaukuko bikoaren kontra eta lehen mailako infantiletan, Iñaki Saralegi eta Lenitz Galartza Bortzirietako bikotearen kontra.
Etxetik kanpo sei partida izanen dituzte Aurrerako pilotariek. Larunbat goizean Iruñeko Aranzadin Mendillorriko bi bikoteren kontra ariko dira Mikel Onsalo eta Xabier Aoezetxea bigarren mailako kadetetan eta Iñigo Mitxaus eta Ibai Barberena hirugarren mailako kadetetan. Mutiloabeitin ere bi partida izanen dira Aurrera eta Aranpilotako ordezkarien artean: hirugarren mailako infantiletan Julen Goikoetxea eta Mikel Eraso ariko dira eta hirugarren mailako kadetetan Xabi Eraso eta Ibai Gil.
Arbizun, larunbat arratsaldean, Aldabideko bikotearen kontra ariko dira lehen mailako benjaminetan Oier Goikoetxea eta Patxi Klaudio eta kategoria berean, igande goizean Lekunberrin ariko dira Hegoi Txoperena eta Koldo Hernandorena, Larraungo bikotearen kontra.