Aurtengo karnabalak ere pasatu dira eta ezin uka eguraldiak ilundutako ospakizuna izan zenik. Aranoko puxka biltzea aspaldian koloka xamar dagoen ospakizuna da eta aurtengo eguraldiak atzeratuta jende gutxi ibili gara baserriz baserri umorea zabaltzen. Hala ere, herritarren harrera beste behin eskertzeko modukoa izan da eta hemendik eskerrik beroenak beraien etxeetako ateak zabaldu dizkiguten guztiei. Arratsaldean, zai-dantza beti bezala egin zen, nahiz eta euripean ibili behar izan. Jendea ere arrimatu zen urteroko festa hau ikustera, Bilboko mutil batek guztia kamaraz grabatu zuen Dantzarien kontseiluan bilduta gera dadin Aranoko dantza hau.Gauean giro ederrean afaldu eta amaitu genuen eguna Tapia eta Leturiaren doinuekin dantzatuz.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun