Eguberri usaina nabaria da gurean ere. Ospakizunak gainean daudelako, prestaketak ere hasiak baitira. Aurten, gainera, berrikuntza aipagarria izanen dugu Eguberrietan: Olentzero berria. Urteetan Olentzero izan dugunaren ordez, berria prestatzen ari dira herritarrak eta horrekin eginen da abenduaren 24ko itzulia. Ohi bezala, egun horretan, goizez, etxez etxe ibiliko dira gaztetxoak eta helduak. Herriko txikienei gonbidapen berezia egin diete aurten antolatzaileek, neska-mutil guztiek parte hartzea nahi baita.
Lerro hauek idazterakoan ez zegoen zehaztua ordua, baina seguruenik 09:00 aldera abiatuko da itzulia.