Duela urte batzuk azienda feria berreskuratu zenean, seguruenik askok ez zuen pentsatuko hartu duen izena eta sona hartuko zituenik. Azaroaren 28a egun handia izan zen eta herritarrek ez ezik, kanpotik etorritako bisitariek ere ederki erantzun zuten, egun osoan izan ziren ekitaldietan parte hartuz. Herri bazkarian, esaterako, 500 lagun baino gehiago bildu ziren eta giro bikaina izan zen.