Udalak, Larraun eta Uharte Arakilgo Udalekin batera, Nafarroako Gobernuko Lurraldearen Antolaketa Planen aurkako alegazioak jarri ditu. Alegazio horiek Nafarroarako UPNren Gobernuak dituen estrategien aurkakoak dira.
Xabier Zabalo eta beste bi herrietako alkateen ustez, Miguel Sanz eta bere Gobernuak egiten duen politika «oso zaila da lotzen» Lurraldearen Antolaketa Planean. Gaineratu dutenez, proiektu horiek «lurraldearekiko ikuspegi harrapatzaile, espekulatzaile, sostengaezin eta soziala ez dena tapatu egiten dute». Hala, «lurraldea eta beraien jendea, kapitalaren beharretara» jartzen dituzte. Orain, alegazioen erantzunaren zain egon beharko dute.