Interneteko atari berria prestatzen ari da Udala, eta abendurako egina egon beharko du. Animsa enpresa ari da egiten, Nafarroako Gobernuaren dirulaguntzarekin eta erdi mailakoa eta elebiduna izanen da. Herritarrei eta bisitariei zuzendutako hainbat informazio eskainiko ditu.
Abendura bitarteko epea dute egiteko, eta beraz, laister denontzako ikusgai egongo da.
Conama sarietan
Gure herria aitzindaria izan da WIFI sistema herri guztian zabaltzen eta horregatik Conama sarietara aurkeztuko da. Sari honek ingurumenarekin edo garapen jasangarriarekin lotura duten proiektuak saritzen ditu. Ahaleginak, helburuak, metodologia eta ereduzko jarrera kontuan hartzen dira. Aipatzekoa da, beste udal asko jarri direla harremanetan Aresoko Udalarekin, WIFI sistemaren nondik norakoak nola diren jakiteko.
Azaroaren 15a baino lehen proiektua Madrilen aurkeztu beharko da eta sari banaketa azaro bukaeran Sevillan egingo da. Saria aitorpen eskultura bat izango da.