Kontseiluak Udalaren hizkuntza-politika neurtu du eta emaitza onak eskuratu ditu. Emaitza kuantitatiboei dagokienez, 0tik 10erako tartean, Udalak 9,63ko nota atera du, eta lehenbiziko postuan dago Hego Euskal Herrian neurtutako ehundik gora udalen sailkapenean.
Emaitza poztekoa bada ere, hobetu beharrekoak ere zehaztu dizkio Kontseiluak Udalari: «kaleetako izenetan euskarak behar duen lekua izatea eta Udalari aholkularitza juridiko eta teknikoa eskaintzen dioten zerbitzu enpresek Udalarekin izaten dituzten harremanak euskaraz izatea».