Gazte Independentistek 30 urte antolatzen eta borrokatzen; 30 urte ta independentzia lortu arte! lelopean Euskal Herri mailako Gazte Eguna antolatu dute larunbaterako, eta Leitzan egin dute hitzordua.
Aurkezpen ekitaldian azaldu zutenez, «urte luzeetan borrokaren bidez lortutakoa ospatu, baina bereziki, aurrerantzean ditugun erronka berriei gogoz ekin ahal izateko, urte hauetan guztietan gazte erakundean lan egin, esku kolpe bat bota zein inguruan ibili diren guztiak» gonbidaturik daude Gazte Egunera.
Ekitaldi honekin Jarrairen sorreraren 30. urteurrena ospatzeko asmoa dute, «ez baita makala azken hamarkadetan eginiko bidea: emandako urratsak eta izandako lorpenak». Helburu horrekin egun osorako egitaraua prestatu dute.
Egitaraua
•11:00etan: harrera eta zintzur bustitzea, animaturik.
•14:00etan: bazkaria.
•Arratsaldean: karaokea: Kantatzen duen herri bat ez da inoiz hilko lelopean.
•20:00etan: kontzertuak: Egurra ta Kitto, Skatu eta Itziarren Semeak taldeen eskutik.
•Eguerditik iluntzera: haurrentzako txokoa.