Udako oporraldiaren ondoren, hainbat ekimen jarri dira martxan Kontzejuko ganbaran. Esate bateko, ostegun ilunabarretan bertsolari batzuk elkartzen dira Bertsolari Txapelketa Nagusiari begira. Hala nola, Maialen Lujanbio, Aitor Mendiluze... Eta hemen aritzen dira prestaketetan.
Bestalde, urriaren 5ean, herriko emakumeek aerobic klaseari ere hasiera eman zioten. Geroztik, astean bi egunez elkartzen dira, astelehen eta ostegun ilunabarretan. Oraingoz, jende gutxi animatu da eta besteren bat egingo balitz esku zabalekin hartuko lukete. Animo, beraz!
Baina bada oraindik egiteko dagoen gauza bat ere. Haurtxoen gurasoak ahaleginak egiten ari dira ganbarako antolakuntza egokia izan dadin, hartara, umeek tarte onak pasa ditzaten.
Horretarako material aproposaren beharra ikusten da: koltxonetak eta beste hainbat material didaktiko.
Guraso batzuk alkatearekin harremanetan jarri dira eta Udalak bideratuko du Euskara Zerbitzuak emango duen 600 euroko dirulaguntza.
Euskara Zerbitzuak 600 euro emanen ditu
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun