Nafarroako Foru Komunitatea IV Erremonte Txapelketako partida jokatuko da larunbatean, irailak 19, Iruritako frontoian, 18:00etatik aitzinera. Final-laurdeneko lehia izanen da. Dena den, horren aitzinetik, bertze norgehiagoka bat ere jokatuko da 30 tantora. Eguneko partida nagusia 40ra izanen da eta erremonteko egungo jokalaririk hoberenetariko bi izar ikusgai izanen dira, Koteto Ezkurra doneztebarra eta Miguel Mari Urrutia saldiastarra. Bertzetik, Sanfermin bezperan debutatu zuen Gorka Urtasun iruritarra herritarren aitzinean eta etxe ondoan plazaratuko da. Egun berezia eta hunkigarria izanen da.
Gorka Urtasun erremontista estreinakoz Iruritan
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun