Bigarren Mundu Gerran aritutako mugalari sarearen inguruko istorioa kontatzen du aurreko bi asteetan herriko kaleetan eta hainbat auzotan (Aitasemegi, Artikutza…) grabatu duten Mugaldekoak izenburuko telefilmeak.
Mireia Gabilondok eta Fernando Bernuesek ETBrentzat zuzendutako lan honek politika, maitasuna eta akzioa biltzen ditu. Gabonak aldera estreinatzeko asmoa dute. Gainera, 13 ataleko telesaila eginen dute ondoren, baina hauek platoan grabatuak izanen dira ia osorik, Tentazioak ekoiztetxekoek esan zigutenez.
Ikusmira sortu du herritarrengan grabaketa honek. Figurante moduan parte-hartze zuzena izan dute, gainera, 20 herritarrek, Klara Badiola edo Iñaki Beraetxeren mailako aktoreen ondoan.
20 herritarrek hartu dute parte figurante moduan
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun