Ipuinak irakurtzea eta idaztea gustatzen bazaizu, Leitzako Euskara Zerbitzuak antolatutako ikastaro laburrean parte hartuz ipuingintza ezagutzen hasteko aukera daukazu. Hamar orduko iraupena izanen duen ikastaroaren irakaslea Juanjo Olasagarre idazlea izanen da. Lau saiotan banatuko da eta astez izanen da –taldeak erabakiko du eguna eta ordua–. Urriaren bukaeran eta azaroan zehar eskainiko den ikastaroan parte hartzeko izena emateko epea urriaren 20an bukatuko da –Maimur eta Astiz liburudendetan–. Matrikulagatik 1.500 pezeta ordaindu beharko dira. Ikastaroa egiteko gutxienez sei pertsona beharko dira eta gehienez hamasei.