Banesto taldearekin korrituko du Patxi Vilak heldu den denboraldian, joan den astean sinatu baitzuen bi urtetarako kontratua talde nafarrarekin. Jose Miguel Etxabarrik agindu dionez hiru lasterketa handietako batean bederen lehiatuko da (Giroa, Tourra edo Espainiako Itzulia). 25 urte ditu txirrindulari beratarrak, eta afizionatuetan urte mordoxka batez ibili ondotik hau zuen profesionaletara pasatzeko azken saiakera.
Erran behar da, bertzalde, Banestoren afizionatu taldea desagertu egin dela, bainan Jon Bru beratarrak oraindik aukerak badituela talde profesionalean sartzeko, nahiz eta lerro hauek idazteko orduan segurutik ez jakin.