Madalenatik Zibola bitarteko zeharbidea edo trabesiaren lana Asfaltos Campezo enpresarentzat izanen da, azaroaren 24ean udalbatzak ahobatez hartutako akordioaren arabera. Bi kartazal zeuden kontratazio-mahaikoen eskuetan hilaren 15ean elkartu zirenean, aipatutakoa eta Azpiroz-Saralegirena. Azkeneko honen eskaintza ekonomikoa Campezorena baino 61.000 pezeta merkeagoa zen, baina lanak bukatzeko epea hiru hilabete luzeagoa, hau da, sei hilabetekoa. Enpresa gipuzkoarrak, beraz, hiru hilabetean zeharbidea eginen zuenaren konpromezua hartzen zuen. Horixe izan zuen kontuan korporazioak lan hau berari ematerakoan. Aurrekontua, 79.989.485 pezetakoa da.
Atzera begirada bat emanez, esan dezagun urte pare bat igaro direla bi administrazioak, Udala eta Nafarroako Gobernua alegia, zeharbidea egiteko ados jarri zirenetik. Lehenengo proiektora ez zen eskaintzarik aurkeztu, ezta %10ean igo zenean ere. Azkeneko alean aurreratu eta oraingoan zehaztu dugun bezala, bigarren honek estimazio handiagoa izan du zorionez.