Orain arte bezala, hurrengo hiru urteetan ere Juli Oiartzabalen gain egonen da herriko eskolak, Udaletxea eta Osasun Zentroa garbitzeko ardura, horrelaxe erabaki baitzuen udalbatzak egindako azken osoko bilkuran. Bi eskaintza aurkeztu ziren. Irabazlearen eskaintza ekonomikoa, bestea baino 50.000 pezeta garestiagoa zen –3.250.000 pezetakoa–, baina honen memoriak, besteak baino balorazio hobea jaso zuen adjudikazio mahaikoengandik.