Zaharrak elkartzeko erabiliko litzatekeen egoitza baten beharra dagoela uste du Udalak. Kontutan izan, herriko biztanlegoaren bostetik bat 65 urtetik goitikoa dela, ia berrehun lagun beraz. Horretarako, lehen pausua orain dela hiru urte eman zen, kuartela izandakoan etxebizitza babestuak eraiki eta 100 metro koadroko bajua Udalak beretzat gelditu zuenean, hain zuzen. Lokal eder horri bere garaian oentsatu zen funtzioa eman nahi zaio orain, eta badirudi, abenduaren 29an horretaz hitzegiteko bildutako berrogei lagunen jarreraren arabera, asmoak aurrera eginen duela.
Dena den, alkateak esan zigunez, obrak hasi aurretik benetako eskaria badagoen jakin nahi dute Herriko Etxekoek. Horren berri zehatzagoa izateagatik, balizko egoitza horretako bazkide izan nahiko luketenen zerrenda ireki dute. Hilabete honen bukaera arteko epea dago Udaletxean izena emateko.