Bere garaian aurreikusi zen bezala, Burugorriko pistaren zolaberritzearen bigarren faseari ondorengo astetan ekinen zaio. Iruñeko Excavaciones y Reforestaciones, S.L. lantegiak eginen du ia 29 milioi pezetako aurrekontua duen lan hau.
Burugorri izena daraman bidearen konponketaren lehenengo puska, zortzi kilometro, orain dela urtebete egin zen. Orain eginen direnak, orduan utzitako sei kilometroak dira. Lan hauek bukatzen direnean, egoera ederrean geldituko dira herriko mendi aberats eta emankorrenak lotzen dituen zirkuitoa, Hernaniko errepidetik hasi eta Burugorri, Udi, Frantzesan gurutzea, Unalbide, Zumarreneko Harrobia eta Olatxo artekoa, alegia.