Leitzako Zubillaga Saralegui SL enpresak gelditu ditu Udalak subastara ateratako azken hiru loteak. Insignis pinuaz eta alertze japoniarraz osatua eta Artzabaleta eta Trunkadan dagoen lehenengo lotearengatik, 13,2 milioi pezeta ordainduko ditu. Bigarren lotearengatik –larizio eta insignis pinuak, Artzabaleta eta Trunkadan–, 7,2 milioi ordainduko ditu eta hirugarrenarengatik, ia 9 milioi. Hirugarren lote hau Ibarla alderdian dagoen haritz amerikanoaz osatua dago.