Urteko asanblada orokorra egin zuen Umore Ona elkarteak ilbeltzaren 27an. 206 bazkidetatik 22 bakarrik azaldu ziren. Iazko gastuak jeisten dituen aurrekontua onartu zuten soziedadean. Egunkarietako iragarkiei, Zaharren Egunari eta pilota eskolari asignatutako partidetatik etorriko da, besteak beste, murrizketa hau.
Azkenik esan, hurrengo bi urtetan Jabier Etxegia izanen dela lehendakariorde eta Juan Tomasena idazkari. J.J. Elizegi, Bakartxo Uitzi eta Pili Narbarte izanen dira bokal berriak.