Nafarroako Gobernuak, 2001-2003 urteetarako dirulaguntzak finkatu ditu eta Leitzarako 35,6 milioi pezetatako dirulaguntza onartu du. Hiru obretarako eskatu zen dirulaguntza: Patxi Arrazola auzoko ur-hornidura, saneamendu eta zoladura, Sakuluko kamioaren moldaketa eta herrirako eta industrialderako sarrera berria egin ahal izateko Olaberri ondoan egin nahi den zubia. Eskaera hauetatik Olaberriko zubiari dagokion dirulaguntza besterik ez du onartu Gobernuak (aurrekontuaren %50a). Dena den, Larraunekin batera, zaborrarekin lotutako beste kontuetarako (Mandazaienbordako zabortegia itxi, adibidez), beste 7.750.000 pezeta lortu dira.