Leitzako pilota txapelketako finalerdiak jokatu dira asteburuan

Leitzako bosgarren pilota txapelketako finalerdietako partidak jokatu dira aste hondar honetan. Ostiral arratsaldean jokatutako partidetan, kadete mailan, Xabier Jaunarenak eta Jakak 22 eta 18 irabazi zieten Juaristi eta Gabilondori. Jubenil mailan, Ansotegi eta Iturriagak 22 eta 15 irabazi zieten Urbieta eta Lukini eta nagusietan, Onsalo eta Iriartek 22 eta 16 irabazi zieten Mendizabal eta Iparragirreri. Larunbatean jokatutako partidetan, alebinetan, Barriola eta Bakaikoak 18 eta 11 irabazi zieten Peña eta Eskuderori eta Egiguren eta Petirek 18 eta 11 irabazi zieten Lezea eta Arandiari. Infantiletan, Agirre eta Iruretagoienak 18 eta 14 irabazi zieten Olano eta Murgari eta Telletxea eta Iribarriak 11 tantutan utzi zituzten Untxalo eta Goñi. Igande goizean, berriz, kadete mailan, Zestau eta Berazak 22 eta 10 irabazi zieten Aldaregia eta Apeztegiari. Jubeniletan, Dorronsoro eta Pazosek 22 eta 17 irabazi zieten Arrieta eta Lanari eta nagusien kategorian, Idoate eta Uzkudunek 22 eta 18 irabazi zieten Sagastibeltza eta Bengoetxeari (argazkian, partida hasi aurretik). Aurrera elkarteak antolatutako txapelketaren finalak heldu den igandean, irailaren 13an jokatuko dira bost kategoriatan, goizeko 10:00etan hasita.