Nafarroako Gobernuak 9.840 metro koadroko herrilurra 22.530 metroko beste batekin trukatzeko baimena eman dio Udalari. Azken lur hau Izaskun Iriarterena da eta Urumean kokatutako presa bati, ubide bati eta makina-gela bati dagokio. Trukaketa honekin Udalak bereganatuko ditu jauzi hidroelektriko batek hartzen zituen lurrak.
Beste herrilur eskualdaketa baten bidez, 8.203 metro koadroko lurra, Jose Lorenzo Apezetxearen beste 11.448 metrorekin aldatuko dira. Trukaketa honekin, zentral zahar batera ura zeramaten bi ubidek hartzen zituzten lurrak berreskuratuko ditu.