Irailaren 15ean, bigarren deialdia egin ondoren, 6 lagun bildu ziren Gorriztaran erreka garbitzeko auzolanera. Oso jende gutxi ia 3.000 biztanle dituen herri baterako. Halere hiru zakarrontzi zabor bete zituzten herri sarreratik hasi eta Erasote errekarekin biltzen den puntu arte. Andamioak, hodiak, perrilak, paperak, arropak, gozoki papera pila bat (gehienbat eskola parean), 100 bat kilo burni... atera zituzten.