Gainean dugu Ertz jaialdiaren X. edizioa, bertze musiken jaialdia deitua. Bertze urte batez denetariko musika doinuak entzuteko aukera izanen da Beran, Donostian eta Tolosan (Gipuzkoa) eta Hazparnen (Lapurdi). Aurten hamar urteko ibilbidean ezagututako hainbat artista gonbidatu dituzte berriz.
Irailaren 9an emanen zaio hasiera Donostiako Tabakaleran, eta biharamunean ere Tabakaleran izanen da Ertz jaialdia.
Hilaren 12an Berako Kultur Etxean Toshimaru Nakamura & Ignaz Schick; Ander Lipus, Miren Gaztañaga & Xabi Strubell; Gregg Kowalsky; Alex Mendizabal eta Tzesnek kontzertua eskainiko dute. Hilaren 13an, Kaxerna gaztetxean Mattin, Emma Hedditch, Anthony Iles & Howard Slater; Alex Mendizabal, Jakoba Errekondo, Juan Jose Aranguren; Adi Bera; Iñigo Ugarteburu eta Mursego etorriko dira.
Irailaren 14an Tolosako Bonberenea eta Donostiako Artelekuk hartuko du lekukoa eta eta 19an Hazparnek.