Nafarroako Herri Arteko Txapelketan multzo berean jokatu dute Leitzak eta Uhartek. Etxetik kanpoko partidan bi partida irabazi zituen bakoitzak, aldeko eta aurkako tanto kopuru berarekin. Berdiketa Leitzan hautsi zen, etxekoek 15 tantoko errentaz irabazi baitzuten. Lehen ligaxka amaituta, bi taldeek finalerdietarako txartela lortu zuten: Aurrerak lehen postuan eta Uharte laugarren. Ondorioz, elkarren aurka bi partida jokatu beharko dituzte berriro: etxean eta kanpoan. Joaneko partidak Uharten jokatu ziren joan den asteburuan eta itzulerakoak larunbat honetan eginen dira Amazabalen.