Kax Kax Euskara Taldea aurkeztu dute

Euskara bultzatu eta sustatzea. Horixe da Kax Kax Euskara Talde sortuberriaren helburua. Herrian talde «ez-formal» baten beharra zegoela ikusita, 2008ko urrian abiatu zuen Kax Kaxek bere ibilbidea eta geroztik, taldea osatzen, lan-ildoak hautatzen, kale-neurketak egiten eta abar ibili dira. Egindako lanaren fruitua ekainaren 16an aurkeztu zuten.
Taldea aurkezteaz gain, euskararen erabileraren kale neurketaren emaitzak ere jakinarazi zituzten. Horren arabera, herritarren %72ak euskara erabiltzen du; %26,4ak gaztele­ra, eta %1,6ak beste hizkuntzaren bat. Adin taldeei dagokienean, haurrak eta gazteak dira batez ere euskaraz mintzat­zen direnak (haurren %91,9a eta gazteen %93,4a), eta gutxien helduak (%63,4) eta adinekoak (%50). Horrekin batera, aipatu, emakumezkoek gizonezkoek baino gehiago erabiltzen dutela euskara: emakumeen %78,6ak eta gizonen %65,7ak.