Ikasturte honetan, asteburuero hamabi eta hamasei urte arteko gazteak bildu dira Leitzako Oialde Txoko lokalean. Denboraldia bukatzeko monitoreak zenbait joku prestatu zituzten eta gurasoek berriz arratsaldekoa eskeini zieten. Guraso arduradunak oso pozik gelditu dira aurtengo txandan gazteen partehartzearekin eta datorren neguan berriz irekitzeko asmoarekin bukatutzat eman dute aurtengo denboraldia.
2006ko udan hasitako proiektua
Gazteak protagonista nagusitzat hartzen dituen txoko hau, Leitzako Kristau Elkartearen eta guraso batzuen elkarlanaren fruitua da: Kristau Elkarteak lokala jarri du eta gazteen zaintza egiteko konpromisoa, gurasoek. 2006ko udan indarrean jarri zen proiektu honek, bi xede garrantzitsu dauzka. Batetik, 12 eta 16 urte bitarteko herriko gazteentzako aisialdirako gune egoki bat eskaintzea eta bestetik, gazteak beren denboraren arduradun izaten ikastea.