Maiatzaren 10ean abiatu zen lur gaineko Euskadiko Sokatira Txapelketa, Berriatuan (Bizkaia), eta Goiherri A-k eman zuen lehen soka kolpea 680 kiloko lehen jardunaldia irabazita. Erandiokoek saioko tiraldi guztiak irabazi zituzten, Gaztedirekin eta Aresorekin hortzak estutu behar izan bazituzten ere.
Areso hirugarren
Gaztedik Goiherri A-ren aurka galdu zuen soilik; Aresok Goiherri A eta Gaztediren aurka, Mutrikuren aurka gogor lehiatu behar izan zuen; Mutrikuk Goiherri A, Gaztedi eta Aresoren aurka galdu zuen, eta mendean hartu zituen Goiherri B eta Getxo; Goiherri B-k eta Getxok, Berriz, tiraldi bana irabazi zioten elkarri.
Hurrengo saioak
Pisu horretako hurrengo jardunaldia heldu den larunbatean (maiatzak 16) jokatuko da Azkoitian (Gipuzkoa) eta finala maiatzaren 23an jokatuko da Endoian (Gipuzkoa).
680 kiloko lehen jardunaldiko sailkapena:
1. Goiherri A (Erandio, Bizkaia): 15 puntu.
2. Gaztedi (Laukiz, Bizkaia): 12 puntu.
3. Areso (Nafarroa): 9 puntu.
4. Mutriku (Gipuzkoa): 6 puntu.
5. Goiherri B (Erandio, Bizkaia): puntu 1.
Getxo (Bizkaia): puntu 1.
680 kiloko sailkapena, sailkapen orokorrari begira:
1. Goiherri A (Erandio, Bizkaia): 6 puntu.
2. Gaztedi (Laukiz, Bizkaia): 5 puntu.
3. Areso (Nafarroa): 4 puntu.
4. Mutriku (Gipuzkoa): 3 puntu.
5. Goiherri B (Erandio, Bizkaia): 1,5 puntu.
Getxo (Bizkaia): 1,5 puntu.