Leitzako Aurrera elkarteko pilotariek Nafarroako Kirol Jolasetako eta Zizurko lau terdiko txapelketako partidak izanen dituzte asteburu honetan. Honela, larunbat goizeko 10:00etan hasita Nafarroako Kirol Jolasetako bi partida jokatuko dituzte Amazabal pilotalekuan. Lehen mailako kadetetan, Xabier Apezetxea eta Mikel Hernandorena Oberenako bikotearen kontra ariko dira eta hirugarren mailako alebinetan, David Muenala eta Josu Sukuntza Aranpilotako bikotearen kontra.
Etxetik kanpo
Bigarren mailako infantiletan, Aurrerako Iñigo Mitxaus eta Iñaki Saralegik Uharteko bikotearen kontra jokatuko dute Uharten.
Zizurko txapelketa
Zizurko lau terdiko txapelketan, infantil mailan Aurrerako Anartz Olanok partida izanen du larunbat arratsaldeko 18:45ean eta alebin mailan, Jon Lezeak igande goizeko 11etan jokatuko du.