Inolako eztabaidarik gabe eta aho batez onartu zuen Udalak Guraso Elkarteari eman beharreko subentzioa. Iaz burututako ekintzen zerrenda aurkeztu zuen urtero bezala Elkarteak. Herriko Etxeak, bere aldetik, urteroko portzentajearekin lagundu zuen diruz ekintza bakoitza.
8.680 euro gastatu zituen 2008an Guraso Elkarteak eta 3.519 jaso ditu udaletxetik. Udan burututako igeriketa ikastaroaren autobusa ordaintzeko 3.595 euro erabili zituzten, %30eko subentzioa jasoz, ia 1.800, alegia; Amabirjinetan 3.087 euro gastatu zituzten, 1.040 euroko laguntza jasoz. Ordenagailu baten erosketak, Artikutzako irteerak eta beste hainbat gastuk osatu zuten Guraso Elkarteak Herriko Etxeari aurkeztutako zerrenda.