Lau egunetan hamaika ekitaldi ospatu baldin baziren ere, Atsaurek eta baserrietako eskea azpimarratu behar dira, Gurdiekin batera. Garai bateko Leitzako mozorroak oinarritzat hartuta, atsaureak kalera irten ziren igandean eta asteartean. Kalejiran ibiltzeko orduan euriak zalantzak sortu bazizkien ere, paperezko txapelak jantzita, txarangarekin batera karriketan barna ibili ziren. Baserritako eta kaleko eskea, lehenik kalean eta gero baserrietan, egunero egin zen. Herritar ugari irten zen kalera goizean goizetik txistulari edota txarangarekin puskak biltzera. Astelehenean, euria gutxi ez eta elurra ere lagun izan zuten Basakabi inguruetan.