Elizako obrak bukatuak daude dagoeneko eta orain hemendik aurrerako garbiketa gelditzen da. Momentu honetan garbi dago, baina nolabaiteko jarraipena eman nahi zaio horri. Orain arte, familia guztiekin osatutako zerrenda bat zegoen, baina gaur egungo egoera aldatu denez, proposamen berria egin da: nahi duten guztiak hilabeteko azken ostiralean 15:30-etik 16:00etara bilduko dira garbiketa lanak egiteko. Bestalde, igandeko mezaren ordua aldatu egin da eta orain 12:15-ean emango da. Azkenik, esan, obrak direla-eta, aurtengo ikasturtean oraindik katekesia martxan jartzekoa dela. Horri buruz hitz egiteko bildu ziren duela bi larunbat umeak, katekesi irakasleak eta apaiza.