Altzadi Leitzako Kultur Elkarteak, Nafarroako Gobernuaren laguntzaz antolatutako Gure Euskarari buruzko lehen jolasaldia eginen da datozen bi asteartetan Leitzan. Zehazki, abenduaren 23an, arratsaldeko 19:00etan “Zertan da etxeko euskara?” izeneko hitzaldia emanen du Koldo Zuazok Leitzako liburutegian. Abenduaren 30ean, berriz, arratsaldeko 19:30ean “Geure xaharren kantu ondarea” hitzaldi musikatua eskainiko du Patziku Perurenak herriko liburutegian, Itziar Azpirotz eta Ander Perurena musikariak laguntzaile dituela.