Nafarroako Hiri Hondakinen Partzuergoan sartu dira Areso eta Leitzako Udalak, beste hainbeste herrirekin batera. Hala onetsi zuten hasiera batez azaroaren 13an, eta biharamunaz geroztik, akordioa jendaurrean dago ikusgai. Hala egonen da, laneko 15 egun baliodun pasatu arte. Alegazioak aurkezteko epea bukatzean, kontrakorik ez bada behinik behin, behin betikoz onartuko da erabakia. Nafarroako Hiri Hondakinen Partzuergoa eskualde guztietako zaborren tratamendua modu orokor batean kudeatzeaz arduratzen da, eta Baztan, Bortziriak eta Malerrekako Mankomunitateak lehendik sartuak daude horren barne.