Doneztebeko eguneko zentroaren lehenengo harria ezarriko dela-eta, bertara joateko deia luzatu du Arkupeak-ek azaroaren 22rako. Jubilatuen Elkarte hau sortu zenetik gure herriko delegatua den Milagros Apezetxea omenduko da gainera egun horretan. Beraz, beste arrazoi bat gehiago Doneztebera agertzeko. Izena emateko epea hilaren 2tik 10a bitartekoa da; ordaindu beharrekoa, berriz, 35 euro. 9:00etan aterako da autobusa herritik.