Gizarte Zerbitzuak, lehengo urtean egin bezala, Gaztetxea eta Kiroldegiarekin batera uztailaren 18an ‘Gozamenez beteriko gaua’ antolatu zuen. Gau berezian, udal igerilekua izan zen erdigune. Gau desberdin, bakar eta gozagarri bat eskaintzen ahalegindu ziren antolatzaileak. Horretarako igerilekuan foku batzuk paratu zituzten eta gerturatutakoek hainbat ekintza desberdin egiteko aukera izan zuten. Zipriztinez hornitutako ekintzekin batera; txalaparta doinuak, dantza erakustaldia eta bideo emanaldi bat ikusteko aukera ere izan zen. Sexualitatea bizitzan oso garrantzitsua dela jakinarazteko egin zen besta hau. Beldurrak, mamuak, arriskuak alde batera utzi eta askatasuna, errespetua eta alaitasuna bezalako balore zein bizipenak sustatzeko.