Nafarroako Gobernuak 2007ko martxoaren 26an hartutako akordioan, azpiegitura lokalen planaren bigarren luzapena onartu zuen, 2005-2008ko denboraldirako. Beste batzuen artean argi indarraren berrikuntza eta hobekuntza onartu zen Aranorako, 96.382,40 euroko inbertsioa eginez. Obrak hasi dituzte Suron, duela bost urte kablea pasatzeko makarroia lurperatua utzi zuten ia auzo guztian eta orain falta zen zatian sartu dute, arketak jarri eta azkenik farolak. Auzotarrentzat berrikuntza handia izango da hau, orain arte ilunpean egon baita. Benta-berrin ere jarriko dute argia eta azkenik beheko auzoa eta herrian bertan hobekuntzak egingo dira.