Kirol mankomunitate koordinatzailea astean behin etortzeko udaletxera, ortziraletan 9:00etatik 11:00etara, oharrak, proposamenak eta abar argitzeko. Denbora gutxi darama lanean eta oraindik jendea eta ohiturak ez omen ditu ezagutzen. Horregatik, oraindik psikomotrizitatea bakarrik jarri du martxan. Hala ere, 2008rako proposamen batzuk egin nahi ditu, urte berrian kirol jarduera berriak egiteko aukera zabalduz. Mantenu soinketa, yoga eta aerobikaren inguruan inkesta zabaldu nahi du jendearen artean eta bost edo sei laguneko taldea nahikoa omen litzateke hasteko. Beraz, argi, urte hasieran sasoian jartzeko ikastaroak egiteko prest izan.