Irailaren 29an egin zen XVIII. Kaskagorren Penthlatoia. Aurtengoan ere asko izan ziren, Donostiako Ondarreta hondartzan hasi eta gaueko ordu txikietan leitzaldean amaitu zen lagunarteko frogan parte hartu zutenak; antolatzaileen arabera, 105 lagun, gehienak, Leitza eta donostialdekoak. Lehen hiru betebeharren ostean, helmugara iristen lehena Julen Sagastibeltza leitzar gaztea izan zen. Laugarren eta bosgarren frogen ondoren berriz, denak izan ziren garaile. Ez baita ahaztu behar, Kaskagorren Penthlatoi berezia, lagunartean egun eder bat igarotzea helburu duen kirol eta aisialdiz hornitutako jardunaldia dela.