Aurtengoan, Leitzak ez du 15. Korrika herriko kaleetan igarotzen ikusi. Halere, honek ez du esan nahi herriak hartuemanik izan ez duenik. Adibiderik argiena, martxoak 29 arratsean eginiko Korrika Txikia.
Eguraldia lagun izan ez arren, herriko gazteak «ttipi-ttapa, ttipi-ttapa korrika» oihukatuz ibili ziren. Helbururik garrantzitsuena lortu zuten: euskararen alde korrika egitea. Dena den, leitzar ugarik Lekunberri, Irurtzun edota Iruñean hartu zuten parte AEKren Korrikan.