Lerro hauek idazteko egunean udaberrian sartuta gaude, baina herria erabat zurituta zegoen elur eta kazkabar erasoen ondorioz. Ilbeltzean ere elurte haundia egin zuen arazo larriak sortuz errepide eta baserrietako bideetan. Hormateei eta elurteei aurre egiteko herrian bertan nolabaiteko azpiegitura eduki-tzearen beharraz jabe-tzera eraman du honek Udala, ondorioz, elurra kentzeko kutxila eta gatz zabalgailua erosteko erabakia hartu du.
30.000 euroren bueltan balio dute aipatutako bi tresna horiek, baina Iruñeko Babes-Zibileko Departamentuarekin lortzear dagoen akordioa Udalak nahiko lukeen bezalakoa baldin bada, herriak ez du euro bat ere ordaindu beharko.Suhiltzaileen parkeko ibilgailuren batek erabiliko lituzke tresnak.