Udalaren proiektu guztiak Nafarroako Gobernuak onartzen baditu, 1.432.000 euroko aurrekontua duten obrak eginen dira herrian 2005-2008 Toki Azpiegitura Planaren barrenean. Handienaz aurrera hasiz, Madalenako zubiaren berritzea eta handik Olaberrirainoko bidea konpontzeak 580.000 aurrekontua du; hainbat kaleren pabimentazioa, Errekaundi pasealekuaren bukaeran plazatxo bat egitea eta Zubiaunditik Zibola bitarteko paseoa eraikitzeak 444.600 eurokoa; uraren depositu nagusira heldu diren iturrien kanalizazioa berritzea 198.250 euro; baserritako pistetarako 135.000 euro.
Kanposantua berritzeko, aldiz, 37.000 euro erabiliko dira, eta pabimentatuko liratekeen kaleetako argiteria 36.600 euro.