2004ean markatutako hiru pinu lote eraman zituen herriak abenduaren 15ean Altsasun burututako enkante bateratura, baina ez zen alerik saltzea lortu, ezta bigarren deialdian hasierako prezioa %10ean jeitsi zenean ere. Hau ikusirik, Goizuetako ordezkariek subastatik erretiratu egin zituzten loteak, hirugarren deialdira (%20ko jeitsiera) aurkeztu gabe, alegia. Ondorengo asteetan aterako omen ditu Udalak enkantera berriz, hiru mendiak, baina oraingoan bere kasa.
Hauek direla Altsasura eramandako herriko matarrasak: Zumarrenea, 3.036 metro kubiko, 144.573 euroko prezioan; Ikatzola, 6.543 metro kubiko, 261.733 eurotan: eta Easporru, 5.293 metro kubiko, 182.261 eurotan.