Kontseiluak, UEMAk eta Iparraldeko Mankomunitateak Leitzan euskararen alde lankidetzan aritzeko asmoa azaldu zuten azaroaren 10ean. Hiru erakundeek Bai Euskarari ziurtagiria elkarrekin sustatzeko konpromisoa hartu zuten. Hiru urte igaro dira Leitzan Bai Euskarari Akordioa abian jarri zenetik eta aurten 58 saltoki, enpresa eta erakundek eskuratu dute Bai Euskarari ziurtagiria. Dena dela, Patxi Saez alkateak gogorarazi zuenez, «ezin dugu orain atzera egin, euskararen presentzia handitzeko aurrerapausoak ematen jarraitzea ezinbestekoa da».