Igandean Arkiskilen Etxarri Aranatzekoen aurka 3 eta 1 irabazi zuten leitzarrek. Partidari lasai xamar ekin zioten, hasieran erlaxatuta baitzeuden eta aurkariek lehenengo golarekin, aurrea hartu zuten.
Pixkanaka jokoan sartu ziren heinean Antton Gomezek gola sartu bazuen ere, markagailua 2-1ean jarriz, ez zen partida erraza izandu. 3 eta 1ekoa Iker Bengoetxeak sartu zuen. Aurrerako arduradunek esan duten bezala, «joku oso ona ez egin arren, aukera guztiak aprobetxatu genituen. Ongi ibili ginen, defentsa sendoarekin».
Amaitu ondoren arratsaldekoa denek elkarrekin egin zuten. «Beti partidu polita izaten da, haiek inguru honetakoak baitira eta gustora aritzen gara beraien aurka. Oso ongi moldatzen gara»
Partida honekin Aurrerak beste 3 puntu irabazi ditu.