Aurtengo Amabirjinak ere bukatu dira eta beste urte batez esan daiteke arrakastatsuak izan direla bai antolatutako ekintzen aldetik baita jendearen erantzunari dagokionez ere. Amabirjin bezperako txupinazoaren ondoren herriko kaleetan barrena ibili ziren erraldoiek aipamen berezia merezi dute, izan ere erraldoi hoietako bi Yandeneako Bakerotarren familiak herriko beste hainbat pertsonen laguntzarekin egindakoak ziren, udalaren babes ekonomikoarekin ere kontatu zutelarik. Egun berean ospatu zen Gazte Eguneko herri kirolak ere gustora ikusi zituen jendeak, gazte talde bati okurritutako proba bitxiak zirela eta. Amabirjin eguneko frontoiaren inaugurazioa eta Aimar Olaizolari eskainitako omenaldia oso hunkigarriak izan ziren, frontoia herritarrez leporaino bete baitzen. Peñaren egun berezia Beste hainbat ekintzen artean ezin aipatu gabe utzi Amabirjin laugarreneko Umore Ona peñaren bazkaria nahiz kalejira, ilunabar horre
Peñaren egun berezia
Beste hainbat ekintzen artean ezin aipatu gabe utzi Amabirjin laugarreneko Umore Ona peñaren bazkaria nahiz kalejira, ilunabar horretan bertan Zizkuitz txarangak hainbat urteren buruan egin zuen berragerpena, eta nola ez, fiestei amaiera emateko, Sagardo Eguna. Zazpigarren edizioa izan da aurtengoa eta bostehun pertsona baino gehiagok dastatu zuten hainbat lekutatik ekarritako sagardoa.