Hurrengo denboralditik aurrera Goizuetako eta Aranoko ehiztariak koto berean egonen dira, baina legearen aurrean bakarrik. Bakoitzak bere eremuan edo mugen barrenean egin beharko baitu ehiza ofizialki bi herriak barruti berekoak izanen baldin badira ere. Aranok ez omen ditu betetzen Nafarroako Gobernuak kotoetarako jarriak dituen baldintzak. Beraz, Goizuetarekin bat egitea beste aukerarik ez omen zuen, baina lehen aipatu bezala, egiaz ez da deus aldatuko bi herrietako ehiztariek horrelaxe erabaki dutelako. Ehizako gaiekin segituz, Basauntz elkarteak 3.000 euro ordainduko dizkio herriari ehiza-barrutiaren truke. Hurrengo urteetan KPI-a gehituko zaio kopuru honi.