«Urtarrilaren 1ean hasiko da ongi zerbitzua, kamioi berriak etortzean»

Urtarrilean hasi zen Mendialdea Mankomunitatea lanean; Leitza, Goizueta, Arano, Areso, Lekunberri eta Larraungo hondakinak kudeatzen dituen mankomunitatea, alegia. Aldaketa nabarmena ekarri du zerbitzu berriak herri hauetara, eta guztietan adierazgarriena, orain arte bereizten ez ziren hondakinak bereizi beharra izan da. Orain artekoaz eta hemendik aurrerako egitasmoez mintzatu zaigu Xabier Zabalo, Mendialdea Mankomunita­teko lehendakaria eta Leitzako alkatea.

DATU BAIKORRAK
«Aurreneko datuak onak dira: 4.560 kilo enbase bildu dira, 26.000 kilo paper eta kartoi, eta 126.000 kilo zabor organiko. Eta emaitza ikusita pozik gaude. Aspalditik zegoen bereizketa egiteko beharra, baina ez dakit zergatik, berandu ailegatu da»

Nolako balorazioa eginen zenuke?
Hasiera guztiak go­go­rrak izaten dira, baina zerbi­tzua ongi doa. Bi kamioi daude martxan eta aurre­neko datuak onak dira: 4.560 kilo enbase bildu dira, 26.000 kilo pape­r­ eta kartoi, eta 126.000 kilo zabor organiko. Eta emai­tza ikusita pozik gaude. Aspalditik zegoen bereizketa egiteko beharra, baina ez dakit zergatik, beran­du ailegatu da.
Atez-ateko bilketa edo beste sistemaren bat pa­satu al zaizue burutik?
Atez-atekoarena plantea­tu dugu eta Usurbil eta Her­naniko alkateekin ere egon gara. Baina gure eskualdea oso berezia da: 300 kilometro koadrotan 6.000 biztanle ditu. Hale­re, gure datuekin azterke­t­a bat egingo dutela esan digute, eta zerbait mistoa egin daitekeela, herri­ koxkorrenetan modu batera eta ttikienetan beste modu batera eginez. Esperoan gaude ea zer esaten diguten, baina iniziatiba oso begi onez ikusten dugu.
Zein helbururekin sortu da Mendialdea Mankomunitatea?
Mankomunitatea sortzeko saiakera asko egin dira, eta azkenean legealdi honetan jarri da mar­txan. Hasiera honetan, hondakinekin hasi gara lanean, behar haundiena hor zegoela uste genuelako, eta oinarriz­ko zerbitzuak ere falta zirelako. Baina zerbi­tzu oro­kor asko emate­ko sortu da Man­k­omunitatea eta zabaltzen joango gara: Aralar Musika Eskola, Garapen Agen­tzia... Sei herri gara orain, baina Man­­­ko­­muni­tatea ez dago itxita.
Zein dira aldaketa nagusienak?
Alde batetik, bilketa puntuak desagertu egin dira, sei herrien artean 500­etik 300era. Baina, aldi berean, bilketaren maiz­tasuna igo egin da. Jendea kexatu egin da edukiontziak urruti gelditu zaizkiolako, baina puntu gatazkatsu ba­tzue­ta­tik kendu egin dira edukion­t­ziak. Tasak ere igo egin dira, eta herri ba­tzuetan bes­teetan baino haundia­goa izan da alda­keta.
Nola egiten da bilketa?
Oraingoz bi kamioi ditugu eta horiek ibiltzen dira sei herrietan. Bi kamioi berri eta pabiloi berri bat erosteko esleipena egin dugu, baina bitartean, Iruñeko Mankomunitateak utzi digunarekin eta Goizuetako ttiki batekin moldatzen gara. Langileak, berriz, lau kamioigidari eta administrari bat dira.
Puntu Garbia delakoak ere jartzekoak dira, ez?
Bai, hiru jarriko dira: Lekunberrikoa martxan dago dagoeneko, baina Goiz­ueta eta Leitzakoak oraindik ez. Irailetik urte bukaera arte zabaltzea da asmoa. Produktu bereziak bilduko diren puntu finkoak izango dira: pinturak, pilak...
Zenbateko inbertsioa egin behar izan da?
Bi kamioiak erostea 340.000 euro kosta da, baina Nafarroako Gobernuak %70eko dirulagun­tza eman du, eta pabiloia erostea 270.000 euro. Tasak kudeatuz, Man­komunitateak ordainduko du.
Etorkizunera begira ba al duzue zerbait egiteko asmorik?
Arropak biltzeko edukion­tziak jartzeko, edalontzi erabilgarriak egiteko eta uraren kanpaina egiteko dirulaguntza eskatu du­gu, baina ezetz esan dute. Beraz, ikusiko dugu.
Zerbait gaineratuko al zenuke?
Zerbitzua bi kamioi berrie­kin emateko pentsatua dago, eta oraingoak guztiz egokituak ez direnez, zailtasunak egon daitezke. Hor­taz, urtarrilaren 1etik aurrera hasiko da benetan ongi zerbitzua, kamioi berriak etortzean.